Финдік мектеп мұғалімдері Рамазан айындағы ислам дінінің қағидалары балаларға кері әсер етеді деп шағымданды.

Мұғалімдер балалардың аштықтан денсаулығына, ой-өрісіне нұсқсан келеді деп топшылайды. 
Тампере қаласында оқушылардың жартысы ораза ұстайды. Олар ата-анасы қарсы болғанымен де ауыз бекіткен. Кейбір 10 жастағы қыздар орамалмен шашын жауып, ораза ұстап жүр.
Сондықтан оларға сабақ арасында құлшылық ету үшін 15 минуттық үзіліс керек. 
"Сенімге байланысты ешкімге тосқауыл болуға болмайды, бірақ мектептің талабы бәріне ортақ болуы керек. Рамазан айын пайдаланып, жеңілдіктер күтпеу керек", - деді Финляндия мұғалімдерінің құқығын қорғаушы Пайви Лихикайнен.
Елдегі 5,5 млн халықтың 2,7 пайызы ислам дінін ұстанады. Олар Рамазан айында ораза ұстайды.