«Әлем аруы-2018» халықаралық байқауының финалы сенбі күні ҚХР-дың оңтүстігіндегі Санья қаласында өтті. Бас жүлдені 26 жастағы мексикалық Ванесса Понсе жеңіп алды.

«Мен қолымнан келгеннің барлығын жасадым, осыған қарамастан нәтижесі мен күткендегіден де асып түсті. Өзімді бақытты сезінудемін, біз бұны жасай білдік», - дейді ол.

Байқау шарттарына сәйкес сұлу бойжеткен жыл бойы Лондонда тұрып, қайырымдылық шараларына белсенді қатысатын болады. Мексикалыққа тәжді «Әлем аруы-2017» титулының иегері үндістандық Мануши Чхиллар табыстады.
Екінші орынды Тайланд тұрғыны Николин Пичапа Лимснукан иеленді.


Baq.kz сайты