Жұма күні, яғни 14 маусымда № 66 мектеп-лицейінде педагогтарға арналған бос жұмыс орындар жәрмеңкесі өтеді, деп хабарлайды Елорда Инфо қала әкімдігінің ресми сайтына сілтеме жасап. Жәрмеңкеге сондай-ақ Қостанай, Павлодар, Арқалық, Қарағанды және Көкшетау қалаларының ЖОО түлектері шақырылды.
«Жәрмеңкенің өтетін орны мен уақыты: сағат 10:00-13:00 аралығында Д.Қонаев 33/1 мекенжайында орналасқан № 66 мектеп-лицейі. Бүгінгі уақытта елордалық білім мекемелерінде 17 мың адам жұмыс істейді», –  делінген Білім басқармасының хабарламасында.
Қазір бұл салаға 150-ден аса маман қажет. Әсіресе мектепке дейінгі, бастауыш және инклюзивті білім беру саласындағы педагогикалық қызметкерлер, сонымен қатар жаратылыстану-математика бағытындағы мұғалімдер сұранысқа ие.

Источник: https://24.kz/kz/zha-aly-tar/bylu-manyzdy/item/321766-titlechange-favorites-elordada-m-alimderge-arnal-an-bos-oryndar-zh-rme-kesi-tedi