Үкімет отставкаға кетті
Мемлекет басшысы "Қазақстан Республикасының Үкіметі туралы" жарлыққа қол қойды, - деп хабарлайды Massaget.kz тілшісі."Қазақстан Республикасы Конституциясының 69-бабы 1-тармағына, "Қазақстан Республикасының Үкіметі туралы" Қазақстан Республикасы конституциялық заңының 4-бабына сәйкес жаңадан сайланған Қазақстан Республикасы Құрылтайының алдында Қазақстан Республикасы Үкіметінің өкілеттігін доғаруына байланысты қаулы етемін:
1. Қазақстан Республикасы Үкіметінің жаңа құрамы бекітілгенге дейін Қазақстан Республикасының Үкіметі өз міндетін атқаратын болсын.
2. Осы жарлық қол қойылған күнінен бастап қолданысқа енгізіледі", - деп жазылған жарлық мәтінінде.
Еске салайық, бұған дейін Құрылтай жұмысы басталғаннан кейін қазіргі Үкімет өз өкілеттігін тоқтатуға міндетті екені хабарланды.
Премьер-министр тағайындалғаннан кейін он күн ішінде Үкіметтің құрылымы мен құрамы туралы ұсыныс енгізеді. Президент оның мүшелерін Құрылтаймен кеңескеннен кейін тағайындайды.
