28 қазан – Халықаралық анимация күні . Ақмола облысының тумасы, 5573 әскери бөлімінің қатардағы сарбазы Айдын Рахымов Отанға қызмет ете жүріп, анимациялық фильмдер жасауда, деп хабарлайды turkystan.kz. Ол жақында «АЛЖИР» музейіне барған сарбаздар туралы алғашқы мультфильмін жасап шығарған. Бұл туындыда әскер өмірінің шынайы сәттері бейнеленген. Айдын үшін анимация – тек хобби емес, патриоттық сезім мен рухани құндылықты дәріптейтін құрал. Қаруластары оның жобаларына атсалысып, кейіпкерлерді дыбыстауға, идея ұсынуға көмектеседі. Ал командирлері сарбаздың шығармашылығын қолдап, мұндай бастамалар әскери рухты көтеріп, ұжымның бірлігін арттыратынын атап өтті.
