Бүгін, 11 желтоқсанда Чиангмайда (Таиланд) бокстан Азия чемпионатының соңғы күні өтеді. Қазақстан құрамасының тоғыз өкілі алтын медаль үшін жұдырықтасады, деп хабарлайды Egemen.kz ҚР Ұлттық Олимпиада комитетіне сілтеме жасап. 48 кг дейін: Санжар Тәшкенбай - Шодиержон Меликузиев (Өзбекстан).

54 кг дейін: Махмұд Сабырхан - Шахзод Музафаров (Өзбекстан).

57 кг дейін: Оразбек Асықұлов - Миразизбек Мирзахалилов (Өзбекстан).

67 келіге дейін: Дулат Бекбауов - Мужибилло Тұрсынов (Өзбекстан).

71 келіге дейін: Абылайхан Жүсіпов - Хавасбек Асадуллаев (Өзбекстан).

75 кг дейін: Диас Молжігітов - Джавохир Умматалиев (Өзбекстан).

86 кг дейін: Бекзад Нұрдәулетов - Жасурбек Юлдошев (Өзбекстан).

92 кг дейін: Сағындық Тоғамбай - Парвиз Каримов (Тәжікстан).

92 келіден жоғары: Айбек Оралбай - Ремула Абудурексити (Қытай).

Еске сала кетейік, бокстан Қазақстан әйелдер құрамасының өкілдері Чиангмайда (Таиланд) өткен Азия чемпионатында бес алтын медаль жеңіп алды.