Адамдар жаппай фильм, сериал, видеоконтентті ×1.5 және ×2, тіпті кейде ×5 жылдамдықпен көре бастады деп хабарлайды Business Insider.Әлеуметтік желідегі "рилстар" мен TikTok-тан кейін көп адамға бейнелерді қалыпты жылдамдықта көру адам төзгісіз баяу болып көріне бастаған. Сонымен қатар, видеоны жылдамдатып көрген кезде телефонға «кіріп кету» ықтималдығы азаяды дейді фильмдерді жылдам көруді ұнатушылар. Бұл құбылыстан екі түрлі пікір қалыптастыруға болады: немесе біздің миымыз ақпаратты бұрынғыдан жылдамырақ қабылдайтын болды, немесе зейініміз тұрақсыз бола түсті.