Бүгін Ыбырай Жақаев ауылында аудан әкімі Айтбай Жандарбековтың қатысуымен ертеректегі «Қызыл Ту», қазіргі Ыбырай Жақаев ауылының 95 жылдық мерейтойы мен Жақаевшылар қозғалысының 60 жылдық мерейтойына орай жыр мүшайрасы мен «Жақаев салған ізбенен» атты халықтық мәдени-үгіт бригадаларының облыстық фестивальі өтті. Салтанатты шараны аудан әкімі ашып беріп, ұжымшардың аудан дамуындағы тарихи рөліне, Ыбырай Жақаев атамыздың үндеуімен құрылған Жақаевшылар қозғалысының ауыл шаруашылық саласының өркендеуіне қосқан үлесіне тоқталып, қатысушыларға сәттілік тіледі.

Мұнан соң, мемлекет қайраткері Алтыншаш Жағанова сөз алып, Киелі Шиелі жерінде жыл сайын өтетін «Алтын күз» мерекесінен құр қалмауға тырысатынын, 41 Социалистік Еңбек Ері шыққан өлкенің жүрек түкпірінде алар орны бөлек екендігіне тоқталды.