Көрмеге 62 жастан 84 жас аралығындағы зейнеткерлердің 20-дан астам жұмыстары қойылды, деп хабарлайды Алматыдағы BAQ.KZ тілшісі. Алматы музейінде Белсенді ұзақ өмір сүру орталығының зейнеткерлерінің шығармашылық жұмыстарының «Күзгі блюз» көрмесі ашылды.Бүгін Ерболат Досаев қалалық ақсақалдар кеңесімен кездесу өткізіп, онда алдыңғы буын ата-әжелеріміз бәріміз үшін үлгі екенін атап өтті. Қаламыз белсенді ұзақ өмір сүру орталықтары арқылы, «Шыңға өрлеу», «Бақытты отбасы» және басқа да жобаларымен сіздерге қолдау көрсетеді. Сіздерді көрменің ашылуымен құттықтаймын, - деді қала әкімінің орынбасары Әсем Нүсіпова. Белсенді ұзақ өмір сүру орталығында түрлі курстар, соның ішінде кескіндеме және бейнелеу өнері сабақтары қарастырылған. Сабақтарды Қазақстан Суретшілер одағының мүшесі Нысанбаев Марлан Кенесұлы жүргізді. Зейнеткерлерге акварель, гуашь, акрил бояуларының техникасын үйретті. Бұл көрмеде 62 жастан 84 жас аралығындағы зейнеткерлердің 20-дан астам жұмыстары ұсынылған. Бұл натюрморттар, пейзаждар, абстракциялар. Көптеген жұмыстар көрермендерді ғана емес, сонымен қатар кәсіби суретшілерді де әр түрлілігімен және орындау техникасымен таң қалдырады. Ашылу салтанатында Италиядағы халықаралық сән апталығының қатысушылары, Түркия мен Қырғызстандағы халықаралық этнофестивальдар мен қалалық Ұлттық киім фестивалінің жеңімпаздары - "Алматы әжелері" сәнгерлер тобының дефилесі, "Қазағым-ай" биімен халық ықыласына ие болған «Айналайын» би ансамблі өнер көрсетті.
