6 тамызда өткен «Таза Қазақстан» республикалық экологиялық акциясына Риддер қаласы бойынша 200-ден астам адам қатысты. «Журавлиха» өзенінің жағасын тазарту жұмыстары жүргізіліп, 2 тоннадан астам қоқыс шығарылды, деп хабарлайды BAQ.KZ.

Акцияға «Жасыл ел» еңбек жасағының жастары, Риддер қаласының әкімі Д.Рахметқалиев, депутаттар, қала жұртшылығы, сондай-ақ еріктілер мен барлық тұрғындар қатысты.

Айта кетейік, «Таза Қазақстан» экологиялық акциясы аясында Риддерде 30-дан астам ауқымды іс-шаралар өтіп, 10 тоннадан астам қоқыс шығарылды. Қосымша қоқыс жәшіктерін орнату бойынша жұмыстар жүргізіледі, арнайы техника санын және қалада тазалықты сақтауға жауапты қызметкерлер штатын ұлғайту жоспарлануда.