Оқу-ағарту министрлігі апатты, үш ауысымды мектептердің мәселесін шешу мақсатында жүйелі жұмыстар жүргізіп жатыр. Биыл 500 мыңнан астам орынға арналған 302 мектеп салу жоспарланып отыр, деп жазады  Egemen.kz.


Фото: oqu_agartu

«Жаңа оқушы орындарын пайдалануға беру түрлі қаржыландыру көздері есебінен жүзеге асырылады. «Жайлы мектеп» ұлттық жобасы бойынша 217 мектеп, Білім беру инфрақұрылымын қолдау қорының есебінен 25 жоба, сондай-ақ жергілікті бюджет және жеке инвестицияларды тарту арқылы 60 мектеп салынады»,  деді Инфрақұрылымды дамыту департаментінің басқарма басшысы Жайық Махсутов.
Жыл сайын мемлекет қазынасынан жаңа мектеп салуға, қолданыстағы білім ошағын жаңғыртуға қомақты қаражат бөлінеді. Соңғы үш жылда 791 мектеп пайдалануға берілген.