Зерттеушілер автомобильдердің ауаны ластаудағы үлесі 70%-ке жеткенін айтып дабыл қағып отыр. Әлем елдері мұның шешімін табуды ойластырып жатыр. Осыған орай елімізде зиянды қалдықтарды көп бөлетін ескі көліктерге шектеу қою мәселесі көтерілді, деп жазды Qazaqstan.tv.

Жалпы ел аумағында қазір 5 260 636 автокөлік бар. Бұл тек ресми тіркелгендері ғана. Оның 4 631 301-і жеңіл машина. Ал 518 887-сі жүк көлігі болса, 110 448-і автобус.

Қалада қозғалыс жасайтын көліктің ауа бөлу СО2 нормативі 0,30-дан аспау керек, десе де бүгінгі таңда автокөліктерден шығатын зиянкестің көлемі 30-35 млн тоннаға жеткен.