ШИЕЛІЛІК СҰЛУ "СЫР АРУЫ – 2024" БАЙҚАУЫНДА ЖЕҢІМПАЗ АТАНДЫ
Ананың арғы тегі – қыз. Қазақ қай заманда да қызының басынан құс ұшырмаған халық. Еліміздің аспанын қара бұлт торлаған кезеңдер де қазақтың асыл текті арулары қазақ ерлерімен қатар жауға шауып, батырлық танытқан. Қазақ елінің ары – арулары бола бермек.Аймағымызда дәстүрлі түрде жалғасын тауып, әрі ұлтымыздың ғасырлар бойы сақталған салт-дәстүрін, тәлім-тәрбиесін, құндылығы пен рухани байлығын дәріптеп келе жатқан облыстық «СЫР АРУЫ – 2024» сұлулық байқауында жерлесіміз Ақкербез Ысқаққызы жеңімпаз атанды.
