ЖОЛДА ҚАЛҒАН ЖОЛАУШЫЛАРҒА ТИІСТІ КӨМЕК КӨРСЕТІЛУДЕ

Ақтөбе облысының аумағында қатты боран болуына байланысты 7-ші ақпаннан бері республикалық маңызы бар М-32 "Самара-Шымкент" автомобиль жолының 1240-1802 шақырымы аралығындағы көлік қозғалысы уақытша шектелген. Осыған байланысты Шиелі ауданы аумағындағы Бәйгеқұм кешеніне 110 жүк көлігі аялдап тұр.

Күні кеше аудан әкімі Нұржан Сәбитұлы Ахатов жүк көлігі жүргізушілерінің жағдайын білмекке, кешенге барып жүргізушілермен тілдесті. Ең бастысы - адамның қауіпсіздігі екендігін атап өтіп, автомобиль жолындағы қозғалыс реттелгенше жүргізушілерге қажетті жағдай жасалатындығын жеткізді.
Шиелі ауданы әкімдігінің баспасөз қызметі