Өскен өңір Шиелi аудандық қоғамдық-саяси газет
» » Көгілдір отынды көпшілік күтеді

Көгілдір отынды көпшілік күтеді

Елді мекендерді газдандыру Елбасының стратегиялық бағдарламаларында көзделген маңызды міндеттердің бірі. Ауданда бұл бағыттағы жұмыс қарқынды жүргізіліп жатыр. Әлеуметтік нысандар мен тұрғын үйлерді табиғи газбен қамтамасыз етуде мердігер мекеме «Ану-құрылыс» ЖШС, «КазТрансГазАймақ» АҚ-нан газ алып, жеке тұрғындарға газ жеткізуге келісім шарт жасасқан. «Ану-құрылыс» ЖШС құрылыс жұмыстарының қаржысын жеке тұрғындарға бөліп төлеу жөнінде келіскен. Жобаға тапсырыс беруші аудан әкімдігі. Мекеме мердігерлері бірнеше ауылдарға газ құбырын тартып, халықты қуантқан болатын. Ауыл тұрғындары аудан іргесіне жақын орналасқанымен, мұндағылар көгілдір отынның игілігіне көптен қол жеткізе алмай келген еді.
Бүгінде Шиелі ауданы Шиелі кенті, Ы.Жақаев, Бидайкөл, Байсын, Н.Бекежанов, Ш.Қодаманов секілді 6 елді мекенге газ құбыры жүргізіліп, тұрғындар от жағу машақатынан арылды. Шиелі кенті бойынша газ кіргізуге тиісті 7574 тұрғын үйдің 6424-і, Ы.Жақаев елді мекенінде 468, Бидайкөл елді мекенінде 300, Байсын елді мекенінде 110 тұрғын үй газ пайдаланып отыр. Кенттегі 5 ірі кәсіпорын, 215 шағын және орта кәсіпкерлік ­нысан­дары, 24 әлеуметтік сала ғимараттарының жылу жүйелері газға ауыстырылған. Басқа отын түрлеріне қарағанда газдың экологиялық жағынан таза, қызуы жоғары, жану үдерісін механикаландыруға және автоматтандыруға ыңғайлылығы сияқты бірқатар артықшылығы бар екені белгілі.
Жалпы көгілдір отынды пайдаланушылар саны жылдан-жылға үздіксіз өсу үстінде. Ірі ауылдардың дені табиғи газға қол жеткізді. Ендігі кезекте Бестам, Досбол Датқа, Еңбекші, Жиделіарық, Ақмая, Алғабас, сияқты ауылдарға газ құбырын жүргізуге қажетті 2 млрд 102 млн теңгенің қаралуына бюджеттік өтінімдер тапсырылды. Алайда, аталған ауылдардың көгілдір отыны қашан жетері әлі белгісіз. Бұған жауапты мамандардан ақпаратты білмекке жұмыс орнына апта бойы хабарласқанымызбен тұтқаны көтермеді. Болмаған соң, сала басшысы Дана Аманның жеке ұялысына қоңырау шалып, әзер тілдестік. Осыншалықты уақыт күткендегі жауабымызға «қаражат бөлінген жоқ» деп қысқа қайырды. Ал, егер жауапты маман халыққа толық әрі нақты ақпарат бергісі келсе, газеттің келесі санына жауабын жариялауға әзірміз.

С.СЕРІКҚЫЗЫ
18 қыркүйек 2021 ж. 413 0

Соңғы жаңалықтар

Ертегілер еліне саяхат

Ертегілер еліне саяхат

03 желтоқсан 2021 ж.
Құрмет төріндегі  ұстаз

Құрмет төріндегі ұстаз

03 желтоқсан 2021 ж.

PDF нұсқалар мұрағаты

№96 (8950)

03 желтоқсан 2021 ж.

№95 (8949)

30 қараша 2021 ж.

№94 (8948)

26 қараша 2021 ж.

Жаңалықтар мұрағаты

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 
  • Акимата Кызылординской области
  • Сайт президента
  • Нұрлы жол
  • Рухани Жаңғыру
  • Жаңғыру 30
  • Egov
  • Digital Kazakhstan
  • Нақты қадам