Сессия отырысында аудан бюджеті жоспарланды
![](/uploads/posts/2021-03/medium/1616598164_dmflnfch.jpg)
Өткен аптада мәслихат депутаты Е.Жеңсікбаевтың төрағалығымен аудандық мәслихаты жетінші шақырылымының кезектен тыс үшінші сессиясы өтті. Сессия жұмысына аудан әкімі Қ.Мүбараков, аудан әкімінің орынбасарлары, кент және ауылдық округ әкімдері қатысты. Сондай-ақ дербес бөлім басшылары, БАҚ өкілдері шақырылды.
Күн тәртібіндегі мәселе бойынша аудандық экономика және бюджеттік жоспарлау бөлімінің басшысы Д.Жакеев баяндама жасады. Бөлім басшысы өз хабарламасында «Шиелі ауданының 2021-2023 жылдарға арналған бюджеті туралы» аудандық мәслихаттың 2020 жылғы 22 желтоқсандағы №64/3 шешіміне өзгерістер енгізу туралы егжей-тегжейлі баяндады.
Отырыс қорытындысы бойынша сессияның күн тәртібіндегі мәселеге байланысты жоба бірауыздан қабылданды.
"Өскен өңір" ақпарат