Шиеліге "Жастар орталығы" керек

Қызылорда облысы әкімінің есебінде Шиелі ауданына "Жастар орталығы" ғимараты керек деген ұсыныс айтылды. Аудан тұрғыны Нығметов Шахмарданның сауалына облыс әкімі:

«Жастарға мемлекет тарапынан соңғы жылдары үлкен көмек бөлініп жатыр. 2019 жылы жастар жылы деп аталды, ал 2020 жыл волантерлар жылы деп белгіленді. Бізде мына Қызылорда қаласында сол жағалауда "Жастар ресурстық орталығы" салынған болатын. Ал Шиеліге келер болсақ, мен Желтоқсан айында ауданға барғанда бұл мәселені талқылап, "Ру-6" мекемесінің бұрынғы ғимаратын қайта реконструкция жасап, жастарға береміз деп жоспарладық. Оған 60 млн теңге қаржы да қарастырылды. Осы жылы сіздерге де арнайы ғимарат беріледі деп сенемін», – деді облыс әкімі.