Бүгін Қасым-Жомарт Тоқаев өз үндеуінде тарихи әділдікті қалпына келтіру жұмыстарын аяқтап, саяси қуғын-сүргін құрбандарын ақтау үшін арнайы мемлекеттік комиссия құруды тапсырды. Осылайша жазықсыз жазаланғандар әр құрбанның атын өшірмеуге бекінді. Әрине, бұл – құптарлық іс. Өйткені, тарихын білмеген ұлттың болашағы да бұлыңғыр болады.

Қ.Тоқаев тағы бір сөзінде «Өткен ғасырдағы ең қилы кезеңнің бірінде жазықсыз жапа шеккендердің рухына тағзым ету – баршамыздың перзенттік борышымыз» деді. Демек біз саяси қуғын-сүргін кезінде ұлт үшін басын жауға да, дауға тіккен қандастарымызға шексіз алғыс айтуымыз керек. Осы орайда Қазақстан біршама істі де атқарып келеді. Мәселен, 1993 жылы «Жаппай қуғын-сүргін құрбандарын ақтау туралы заң» қабылданса, 1997 жылы Елбасы Жарлығымен 31 мамыр саяси қуғын-сүргін құрбандарын еске алу күні ретінде белгіленді. Енді таяу күнде құрылып, жұмысына кірісетін саяси қуғын-сүргін құрбандарын ақтау үшін арнайы мемлекеттік комиссия біршама арыстарымыз туралы мәлімет жинақтап, өскелең ұрпақты тарихтың қойнауына бүккен сырымен таныстырады деген сенімдеміз.