Халықаралық Қызыл Крест комитеті қазақстандық балалардың Ирактан оралуын құптарлық іс деп таныды, деп хабарлайды Stan.kz ақпарат агенттігі ҚР Президентінің ресми сайтына сілтеме жасап.

Халықаралық Қызыл Крест комитетінің Президенті Петер Маурер Қасым-Жомарт Тоқаевқа хат жолдады. Гуманитарлық көмек негізінде Ирактан қайтарылған 14 қазақстандық баланың елге оралтудың сәтті өтуімен құттықтады.

""Жусан" операциясының табысын дамыта отырып, Қазақстан осындай қиын мәселенің шешімін табуда бар әлем үшін үлгі болып отыр", - деп жазады гуманитарлық ұйым жетекшісі.

Петер Маурер репатриация мен реинтеграция, отбасыларды табыстыру пен қақтығыс аймақтарынан оралған адамдарға психологиялық көмек көрсету мәселелерінде Қазақстан және Қызыл Крест комитетінің бірлесіп жұмыс істеу қажеттілігін атап өтті.