Жерлесіміз, айтыскер ақын Мейірбек Сұлтанхан «Дарын» мемлекеттік сыйлығының иегері атанды.
Қазақстан Республикасы Үкіметінің 2019 жылғы 22 қарашадағы №868 қаулысымен жемісті, ғылыми, шығармашылық, қоғамдық қызметі, сондай-ақ жоғары спорттық жетістіктері үшін 2019 жылғы «Дарын» мемлекеттік жастар сыйлығы лауреаттарының есімдері анықталды.
Нәтижесінде айтыс өнерінің талантты өкілдерінің бірі, жас болса да талай додаларда халықтың көкейіндегісін дөп басқан суырып салма ақын – Мейірбек Сұлтанхан «Халық шығармашылығы» номинациясы бойынша «Дарын» мемлекеттік жастар сыйлығының иегері атанды. Мерейі үстем болып, марапат төріне шыққан жерлесімізді біз де құттықтаймыз.

"Өскен өңір" ақпарат