Kyzylorda-news.kz. Қазақстанда ұялы телефондардың тіркелген-тіркелмегенін тексеретін сайт іске қосылды, деп жазады Informburo.
ҚР Цифрлық даму, қорғаныс және аэроғарыш өнеркәсібі министрлігінің телекоммуникация комитеті төрағасы Виталий Ярошенконың айтуынша, қазір абоненттік құрылғылардың сәйкестендіру кодының мәліметтер базасы тестілік режимде жұмыс істеуді бастады.
"Деректер базасына енгізілмеген құрылғыларды байланыс операторлары біртіндеп байланыстан ажыратады" дейді ол.
Бұл ретте телефондарды тіркеуде проблемалар туындаса, байланыс операторына жүгіну керектігі айтылды.