Алматы. 6 мамыр. 7kun.kz — Қазақстан президенті Қасым-Жомарт Тоқаев барлық мұсылмандарды Рамазан айының басталуымен құттықтады. Бұл туралы Ақорданың баспасөз қызметі хабарлады.

«Қымбатты отандастар! Сіздерді барша мұсылман қауымы үшін қасиетті Рамазан айының басталуымен шын жүректен құттықтаймын. Бұл – шексіз ізгілікке, адамгершілікке, рухани тазаруға және кемелденуге бастайтын мезгіл. Исламның жасампаздық әлеуеті қоғамымыздағы және әлемдегі дәстүрлі құндылықтар мен гуманизм негіздерін нығайтуға ықпал етеді. Рамазан айында ораза ұстау мейірімділікке, кешірімді болуға, татулыққа және қайырымдылыққа үндейді», — делінген хабарламада.
Сондай-ақ, Тоқаев Елбасының дана саясатының арқасында Қазақстанда бірлік, өзара түсіністік, этносаралық және конфессияаралық келісім ахуалы сақталғынын атап өтті. 
«Қасиетті Рамазан айы бәріңізге жақсылық, бақ-береке әкелсін!», — деді Қ. Тоқаев. 

Источник: 7kun.kz