Қуат Хамитов жекпе-жектен түскен ең үлкен сыйақысын айтты

Аралас жекпе-жек шебері Қуат Хамитов өз мансабында жекпе-жектен алған ең үлкен сыйақысының қанша екенін айтты. 
«Менің ең үлкен сыйақым 30 мың доллар болды. Мұнда бәрі бағамға байланысты. Егер жаңа бағам бойынша айтсам, 30 мың, ал ескісі бойынша – 50 мың. Біз сыйақы үшін өнер көрсетпейміз. Мақсатымыз – еліміздің атын танылту, байрағымызды көтеру және әлемдік ареналарда сынға түсе алатын спортшыларымыз бар екенін көрсету. Мансабымның басында жекпе-жектер маған тек хобби болатын, алғашқы 10 кездесуім үшін ақша алған жоқпын», - деді файтер Sportime TV-ге берген сұқбатында.