Қазақстандық теннисшілер шеберлік сағатын өткізді 

Еліміздің үздік теннисшілері бүгін балаларға арнап шеберлік сағатын өткізді. Бұл шара Қазақстан мен Португалия арасындағы Дэвис кубогының бірінші айналымы шеңберінде ұйымдастырылды. Астанадағы сауда-ойын сауық орталықтарының бірінде қолдан корт жасалып, бұл жерге теннистен ұлттық құрама мүшелері жиналды. Ал балалар сүйікті спортшыларымен теннис ойнауға мүмкіндік алды. Үздіктерге бағалы сыйлықтар мен Дэвис кубогы ойындарының билеттері табысталды. Александр Бублик, теннисші: - Балалық шағымда мен де осы балалар сияқты кәсіби теннисшілерге қарап, бұлар секілді әлі талай жетістіктерге жетемін деген сенімім нығаятын. Сондықтан кішкентай спортшылармен жиі кездесіп, осындай шеберлік сағаттарын өткізіп тұру маңызды.

www.24.kz