Қазақстанда алғашқы трансферлік терезе ашылды
Астана, baq.kz. Бүгін 11 қаңтарда Қазақстан чемпионатында алғашқы трансферлік терезе ашылды. Бұл туралы Vesti.kz хабарлайды.
Футболшылардың ауысуын тіркейтін FIFA TMS жүйесіндегі мәліметтер бойынша клубтар жаңа футболшыларды 3 сәуірге дейін қосымша тіркей алады. Қазақстан Премьер лигасындағы жаздағы трансферлік терезе 3-31 шілде аралығында ашылады. 
Қазіргі таңда ҚПЛ клубтарының көп бөлігі алғашқы оқу-жаттығу жиындарын өткізіп жатыр. Чемпионат наурыз айының басында басталады.
Еске сала кетсек, 2018 жылы «Астана» футбол клубы бесінше рет Қазақстан чемпионы атанған болатын.
