Қазақстан конкурдан халықаралық жарыста 33 марапатқа ие болды
Астаналық спортшылар Ресейде конкурдан өткен жарысты 33 медаль жеңіп алып, жеңімпаз атанды, деп хабарлайды елорда әкімдігінің ресми сайты.Челябинск қаласында «Рифей» олимпиадалық резервінің спорт мектебінің базасында беделді жарыстар өтті, онда елордалық спортшылар дайындығының жоғары деңгейін көрсетті.
Жарыста Астананың атынан «Арғымақ» ат-спорт кешенінің шабандоздары қатысты.
Турнир қорытындысы бойынша елордалық спортшылар 12 бірінші, 10 екінші және 11 үшінші орынға ие болды.
Жарыс үш жас санатында өтті: балалар, жасөспірімдер және ересектер.
«Балалар» номинациясы бойынша астаналық жас қатысушылар үшін бұл алғашқы халықаралық жарыс болды. Олар Қазақстанның намысын абыроймен қорғады.
Сурет: Астана қаласының әкімдігі
