27-31 қазан күндері Астана қаласындағы «Алатау» спорт кешенінде гір тасын көтеруден онлайн форматта Әлем чемпионаты өтті, деп хабарлайды BAQ.KZ. 

Жарысқа әлемнің түкпір-түкпірінен тікелей трансляцияға 15 мемлекеттен, 350 спортшы қатысып, бақ сынады.

Елімізде ғана емес, бүкіл әлемде гір спорты бойынша Әлем чемпионаты алғашқы рет онлайн түрде өтті. Спорт әлемінде мұндай жағдайлар сирек кездеседі. Бірақ, біздің елордалық құрама команда үшін бұл қиындық туғызбады. Әдеттегідей ең жоғарғы көрсеткішті бездің спортшылар көрсетті. Бұл біз үшін үлкен мақтаныш! – дейді Спортты олимпиадалық емес түрлері бойынша дамыту дирекциясының баспасөз хатшысы Айдана Жеңісбаева.

Жарыс астаналық спортшылар үшін сәтті басталды. Құрама команданың қоржынында 19 «алтын», 2 «күміс», 2 «қола». Сонымен қатар, жерлестеріміз жалпыкомандалық есеп бойынша өткен эстафетада ең жоғарғы көрсеткішке қол жеткізіп, бас жүлде, яғни «алтын» медальға ие болды.
​https://baq.kz​​​