Ақтөбелік 18 жастағы Таисия Дьяченко Финляндияда пауэрлифтингтен өткен Әлем чемпионатында абсолютті чемпион атанды, деп хабарлайды Вaq.kz ақпарат агенттігі diapazon.kz басылымына сілтеме жасап.
Ақтөбелік спортшы Таисия Дьяченко екі рекорд орнатты. Оның салмағы – 63 кг. Ол сығымдап 102,5 кг салмақты көтерді.
«Қатты қобалжу болды. Рекорд орнаттым, абсолютті есепте жеңдім. Сол үшін әлемдегі күші ең көп қыз - мықты спортшы атағына ие болдым. Шынымды айтсам, әлі де болса не болғанын түсіне алмай жүрмін. Бірақ өте қуаныштымын»,- деді спортшы.
Бұдан басқа, Таисия Дьяченко – пауэрлифтинг пен сығымдап көтеруден Қазақстанның 17 дүркін чемпионы және Азияның 3 дүркін чемпионы.
Baq.kz