Халықаралық турнир: Мергендерде – үш медаль
Стенд атудан Қатар елінің бас қаласы Дохада өтіп жатқан «Әмір Гран-приі» халықаралық турнирінде Қазақстан құрамасы үш медаль жеңіп алды. Отандастарымыз бір күміс, екі қола медаль тақты, деп хабарлайды Egemen.kz.Ұлттық олимпиадалық комитеті мәлім еткендей, 22 ақпанда басталған байрақты бәсекеде 30 елдің 300-ден астам спортшысы бақ сынап жатыр.
«Трап» бағдарламасы бойынша жекелей сында Мария Дмитриенко ел қоржынына күміс медаль салса, жасөспірімдер арасында Никита Моисеев пен Анита Нұрланова қола жүлдегер атанды.
Айта кетсек, Қазақстан атынан барлығы 36 спортшы сынға түсіп жатыр.
Фото: prosports.kz
