"Реал" Криштиану Роналдуға ерекше ұсыныс жасады
![Роналду](https://stan.kz/download/uploads/news_full1634807746d8c3c14566f1ea200bc08f47890bb004.jpg)
Мадридтік "Реал" президенті Флорентино Перес Криштиану Роналдуға клубта жұмыс істеуге қайта ұсыныс жасады.
El Nacional басылымының жазуынша "Аль-Наср" сапында ойнайтын 38 жастағы Роналду Сауд Арабиясында ұзаққа қалмауы мүмкін. Португалия капитанына Реал Мадридке қайта оралуды ұсынған. Алайда бұл жолы ойыншы ретінде емес. Перес Роналдуға таңдау үшін екі лауазым – клубтың елшісі және Реал Мадрид спорт ұйымының мүшесі болуды ұсынған.
Дегенмен Роналду "Аль-Наср" сапында 14 ойында 11 гол соғып, Сауд Арабиясы Про-Лигасының менеджерлерін таңғалдырды.
Жұлдыз португалдық ойыншы "Аль-Насрда" жылына 200 миллион еуро алады. Оның келісімшарты 2024 жылы аяқталады. Клубтың бұрынғы жаттықтырушысы Руди Гарсия бұған дейін Роналду мансабын Сауд Арабиясында аяқтап, Еуропаға оралуды жоспарламайтынын атап өткен.