Жексенбі күні Бәйгеқұмдағы Ханқожа көлінде балық аулау­дан сайыс өтті. «Қысқы балық аулау» турниріне 50-ге тарта балықшы қатысты. Оның ішіндегі 5 азамат Шиелінің намысын қорғады.
Қаңтардың жаймашуақ күніне тұспа-тұс келген балықшылар бәсекесіне Шиелі ауданының әкімдігі, облыстық кәсіпкерлік және туризм басқармасы, «Тұран-ТВ» телеарнасы, «Вдали от дома» ютуб арнасы мен «Қызылорда» супермаркеттер желісі, жеке кәсіпкерлер Қанжар Әзімбек пен Олжас Болатұлы қолдау білдірді. Ал жүлде қорында балықшыларға арналған шатырлар мен өзге де құрал-жабдықтар қамтылған.

Балық аулауды кәсіп қылып, нәпақа тауып жүргендер турнирдің ережесіне сәйкес қамданып, мұз астына қармақ салып, жүлделі орындардан көрінуге тырысты.

Қанжығалары майланған балықшылар ұйымдастырушыларға алғысын айтып тарқасты.