Абат Айымбетов «Крылья Советов» ойыншысы атанды
Самараның «Крылья Советов» клубы 25 жастағы қазақстандық шабуылшы Абат Айымбетовпен келісімшарт жасасқанын ресми түрде мәлім етті, деп хабарлайды Prosports.kz ресейлік клубтың баспасөз қызметіне сілтеме жасап. Айымбетов жаңа клубында 9-нөмірмен ойнайды. Футболшы «Крылья Советов» сапында бүгін дебютін өткізуі мүмкін – самаралық Ресей кубогының 1/8 финалында Мәскеу облысының «Химки» командасымен ойнайды. «Крылья Советов» Ресейдің екінші дивизионында ойнайды. Қазір самаралық клуб 2-орында келе жатыр.
