ФИФА Африкада стадиондар салу үшін қаржы жинамақ
ФИФА президенті Джанни Инфантино Африка құрлығының әр еліне халықаралық талаптарға сай кем дегенде 1стадион салу үшін 1 миллиард АҚШ долларын жинау керектігін айтты, деп жазады Prosports.kz.
ФИФА басшысы бұл туралы Конго ДР «ТП Мазембе» клубының 80-жылдығына барғанда сөз етті.
Инфантино бұл мәселенің күрделі екенін, сол себепті футболдың дамуын қалайтын әлемдік белгілі компанияларды тартқысы келетінін жеткізді.
Ұйым төрағасы бұдан бөлек, Африка құрылғының футбол клубтары экономикалық күш-қуаттарын жақсартуы және мықты футболшыларды өз командаларында алып қалуы үшін жаңадан тиімді турнирлер ұйымдастыруды арнайы мамандарға тапсырғанын да айтты
