Арман Оспанов нокаутқа түсіп қалды (видео)
Жекпе-жек екінші раундтың соңында Полпудниковтың жеңісімен аяқталды. Ресейлік спортшы Оспановты нокаутқа жіберді
Қазақстандық Арман Оспанов (9-2) пен ресейлік Алексей Полпудников (27-5-1) аралас жекпе-жектен Absolute Championship Akhmat 99 турнирінде осымен үшінші рет кездесті, деп хабарлайды Sports.kz.
Жеңіл салмақтағы үш раундтық жекпе-жек екінші раундтың соңында Полпудниковтың жеңісімен аяқталды. Ресейлік Оспановты нокаутқа жіберді. Мәскеуде өткен спортшылардың үшінші кездесуін төменде көруге болады.
Арман Оспанов пен Алексей Полпудников алғаш рет 2013 жылы айқасты. Ол кезде қазақстандық файтер бірінші раундтың алғашқы минутында техникалық нокаутпен ұтқан болатын. Дегенмен 2017 жылы ресейлік реванш алды – ол төрешілердің шешімімен жеңіске жетті.
