Екі салмақ дәрежесінде бұрынғы UFC-дің бұрынғы чемпионы Конор Макгрегор жаттығу кезінде сол қолын жарақаттап алған, деп хабарлайды Prosports.kz сайты. 

«Қарқынды жаттығулар мен спаррингтер өтіп жатыр, соңына дейін барамын. Жарақатымды емдеп, қайта алға ұмтыламын. Мені ештеңе тоқтата алмайды», - деп жазды ирландиялық файтер Инстаграмда. 

Макгрегор өзінің соңғы жекпе-жегін 2018 жылы қазанда өткізді. Қарсыласы ресейлік Хабиб Нурмагомедов болған. Төртінші раундта Хабиб Конорды тұншықтыру әдісімен жеңді. 

Биыл Макгрегор ММА-ден кететінін хабарлаған, бірақ кейін спортқа қайта оралды. Әзірше оның келесі қарсыласы кім болатыны белгісіз.