Хабиб Нұрмағамедов пен Конор Макгрегор UFC 229 турнирі аясында өзара чемпионды анықтамақ. Бұл тұрғыда ресейлік спортшының әкесі әрі бапкері Абдұлманап Нұрмағамедов ұлының жекпе-жекте ұстанатын жоспарын жайып салды деп жазады "Чемпионатқа" сілтеме жасаған NUR.KZ.

"Жоспарда қорғаныстағы прессингке ерекше назар аудару бірінші орында. Көпшілік Конордың сүйіп соғатын жерлерін жақсы біледі. Бірінші раундта жекпе-жекте күреспей, жұдырықтасатын болады. Хабиб ұтылмайды. Бқл жөнінде ештене айтқым да естігім де келмейді" , - деді бапкер.

Оған қоса, Абдұлманап Нұрмағамедов ұлының Конордың әлсіз тұстарын жақсы зерттеп, біліп алғанын айтты.