«Өте талапшыл басшы»: Асхат Аймағамбетов Әлихан Смайылов жайлы не ойлайтынын айтты
Мәжіліс депутаты, Әлеуметтік-мәдени даму комитетінің төрағасы Асхат Аймағамбетов Әлихан Смайыловты «өте талапшыл басшы» санайтынын айтты.
БАҚ өкілдері бұрынғы министр, қазіргі Мәжіліс депутаты Асхат Аймағамбетовтен Әлихан Смайылов жайлы не ойлайтынын сұрады.
«Өзім жұмыс істеген министрлер кабинетіне баға беру, әңгімелеу меніңше, этикалық жағынан мүлдем дұрыс емес. Бірақ жалпы алғанда, ол басшы ретінде өте талапшыл және нақты, дәлдікті ұнатады. Барлық мәселені терең қарастырады. Мәселелерді тиімді шешуге назар аударады», деді Асхат Аймағамбетов.
