Қазақстандық домбырашылар Ұлыбританиядағы Golden Time Talent байқауының гранд-финалына шықты.
Темірлан Олжабай мен Ернат Наурыз Құрманғазы, Нұрғиса Тілендиев, сондай-ақ қазіргі заман композиторлары туындысынан попурри орындады. Әлемдегі жағдайға және шекараның жабылуына байланысты барлық үміткер қашықтан студияда дыбыс жазды. Онлайн қазылар алқасы гранд-финалға қатысушыларды іріктеп алды.

Айта кетейік, Golden Time Talent ұйымдастырушылары АҚШ-тағы Халықаралық байқауда алтын медаль жеңіп алған қазақстандықтардың талантын байқап, финалға қатысуға шақырған.
Енді қос музыкант 23-27 мамыр аралығында Лос-Анджелесте өтетін үлкен финалға қатысады.
Темірлан Олжабай мен Ернат Наурыз Қазақ ұлттық өнер университетінде оқып жүргенде танысқан. Айта кетейік, дуэт 2017 жылы құрылған. Олар Димаш Құдайбергеновпен I'm a Singer байқауына Қытайға да барған. Олар Түркияда, Израильде, Еуропа қалаларында өнер көрсетіп үлгерген.

kaz.tengrinews.kz