Археологтар Мысырда 50 мумия жерленген қорымды тапты, деп жазады akparat.com сайты.

Бұл ақпаратты Мысырдың көне жәдігерлер министрлігі таратты. Аталған қорым Эль-Минья деген жерден табылған. Археологтар жерлергендерді Птолемейлер әулетіне жатқызып отыр.

Мумиялардың жастары әртүрлі. 12-сі балалар. Қорымда мумиялардың есімі жазылған иероглифтер табылмағандықтан есімдері белгісіз. Қазба жұмысын жасап жатқан мамандар бұл мумияларды дәулетті отбасыдан шыққан деген тұжырым жасап отыр.

Ел билігі болса аталмыш оқиғаға «2019 жылдың алғашқы ірі жаңалығы» деген айдар тақты.