Ауыр жағдайда жеткізілді: Өскеменде жасөспірім кене шаққаннан кейін жансақтау бөліміне түсті
Өскеменде жасөспірім кене шаққаннан кейін жансақтау бөліміне түсті, деп жазады Stan.kz ақпарат агенттігі Tengrinews.kz-ке сілтеп.
Өскемен қаласының тұрғыны 16-27 сәуір аралығында Талдықорған облысының Рудничный кентінде жарыста болған. Сәуірдің 24-і күні баланы кене шағып алғаны анықталды, бірақ жасөспірім оны бірден байқамаған. Тек Өскеменге қайтып келгеннен кейін баланың басы ауырып, температурасы көтерілген соң дәрігерге апарған.
Кене шаққаннан бері 3 күн өткендіктен, олар көп уақыт жоғалтып алған. Ал, өзін кене шаққанын байқамаған бала ауруханаға ауыр жағдайда жеткізілді. Оны бірден жансақтау бөліміне жатқызып, толық көмек көрсетілді. Содан кейін ол неврология бөліміне ауыстырылды. Енді баланы ұзақ уақыттық оңалту курстары күтіп тұр.
