Фото: altaynews.kz

Қаламызда бір жыл бойы өзгелерден іскерлігімен дараланған азаматтар салтанатты түрде марапатталды, деп хабарлайды Baq.kz ақпарат агенттігі altaynews.kz сайтына сілтеме жасап.

Сонымен жыл үздіктерінің тізіміне көз жүгіртетін болсақ, Әсет Нұрқасымов «Жеңіл өнеркәсіп саласының үздік қызметкері», Серік Мұратұлы «Жылдың үздік құрылысшысы», Дәрібаев Мұхтар «Абаттандыру саласының үздік қызметкері», Тұрсын Жандыбаев «Орта білім беру салысының үздігі», Пинайлов Вячеслав «Құрылыс индустриясының үздік қызметкері», Қазақ КСР халық артисі Бекен Имаханов «Жылдың үздік актері» аталымын жеңіп алды.
Сондай-ақ «КТК» телеарнасының операторы Андрей Щетинин «Үздік вайнер», Асқар Қамыспаев «Үздік сантехник», Петр Николаевич «Үздік көлікші», Қазақстан Республикасының еңбек сіңірген бапкері – Тұрмыс Халелов «Жылдың үздік жаттықтырушысы», Шамшинов Төлеген «Үздік машина жасаушы», ал Азия ойындарының бірнеше дүркін чемпионы Галина Вишневская «Жылдың үздік спортшысы» атанды.


Baq.kz