Елімізге Кар теңізі аумағынан суық дымқыл арктикалық ауа ығысатын болады. Соның салдарынан Қазақстанның солтүстік бөлігінде күн күркіреп, жаңбыр жауады, екпінді жел соғуы мүмкін. Бұл туралы ҚазАқпарат Қазгидрометке сілтеме жасап хабарлайды. Күндізгі уақытта бұршақ жауып, түнде ауа температурасы 7-15 градус шамасында болады. Күндіз 18-25 градус жылу болуы ықтимал. Республиканың қалған өңірлеріндегі ауа температурасы климаттық нормадан ауытқымайды. 17-28 тамыз аралығында елдің оңтүстік-шығысы мен шығыс аймақтарының кей жерлерінде найзағай ойнап, өткінші жаңбыр жауады.

24.kz