2018 жылдың желтоқсан айында Түркістан облысында құрғақ қымыз бен шұбат өндіретін зауыт іске қосылады, деп хабарлайды Baq.kz ақпарат агенттігі LS басылымына сілтеме жасап.

Golden Camel зауытының жалпы құны ($22 млн) 7,4 млрд теңгені құрайды. Аталған жобаға Қытай кәсіпкерлері инвестиция құймақ. Облыс әкімдігі өз кезегінде зауыт құрылысына 5,5 гектар жер бөлген.
Айта кету керек, зауыт іске қосылғанда 100 тоннаға дейін түйе және жылқы сүтінің ұнтағын шығара алады. Алғашқы кезеңде өндіріс 170 адамды жұмыспен қамтуға мүмкіндік береді.
Бұған дейін LS басылымы жыл соңына дейін елімізде қандай инвестициялық жобалар іске асырылатыны жөнінде мәлімдеген. Түйе және жылқы сүтін өңдеу ісі осы жылдың ІІІ тоқсанына жоспарланған.

Baq.kz сайты