Астананың 20 жылдық мерейтойына арналған 600 шақырым. Бүгін елордада көпкүнді атты шеру басталды. Бірегей шараға қатысуға ниет білдірген 12 азамат Ақмола, Павлодар және Қарағанды облыстарын жүріп өтпек. Шамамен 10 күнге жалғасатын экспедиция Қарқаралы ұлттық паркінде аяқталады. Шеруге жерлестерімізден бөлек ат спортын ерекше сүйетін Венгрия азаматтары да қатысуда. Айдос Нұрақышев, шараға қатысушы: - Ауылдарға жетсек, ондағылар шамалары келгенше қамқорлық көрсетеді. Болмаған жерде палаткаларымыз бар, далаға үйімізді тігіп, сонда қонып, әрі қарай сапарға шығып жатамыз. Ат салқынды жақсы көреді. Күн ысығанда, түс кезінде ат шалдыртып аяңдаймыз. Кешке 22:00-23:00-ге дейін жүріп аламыз.

24.kz