Ақмола облысы, Бурабай ауданының орталығы Щучинск қаласының 32 көшесінің атауы қазақшаланды. Бұл туралы ақын Алмас Темірбай Facebook парақшасында жазды.
«Алаш жұрты, сүйінші! Абылай ханның ордасы болған Бурабай ауданы 32 көшесі қазақшаланды. Біраз орыс ұлтының өкілдері қарсы шығып еді, оларға жергілікті билік өкілдері қанағаттанарлық жауап беріп, тұқыртып отырды.
Біз Көкшетаудан бір топ жігіт (ақын, әнші, актер, асабалар) барып, осы тарихи сәттің куәгері болдық. Қанша орысы көп аймақ десек те ел ішінде мықты ҚАЗАҚТАР бар екен. Риза болдық. Алла қуанышымызды ұзағынан қылғай!» деп халықтан сүйінші сұрады ақын. Алмас Темірбай 2018 жылдың 4 маусымында өзгерген көшелердің бұрынғы атауы мен қазіргі атауын жариялады.
«Қамшы» сілтейді