Жер учаскесін жалға алушылардың назарына!
Қазақстан Республикасы Жер кодексінің 37-бабының 2-тармағына сәйкес, уақытша өтеулі жер пайдаланушы (жалға алушы) жалға алу шартының қолданылу мерзімі аяқталғанға дейін кемінде 3 ай бұрын уәкілетті органға жазбаша түрде хабарлауға міндетті.Бұл талапты уақытылы орындаған жалға алушының жер учаскесіне қатысты басқа тұлғалар алдында артықшылықты құқығы сақталады.
Сондықтан жалға алу мерзімінің аяқталуын алдын ала бақылап, заңнамада белгіленген мерзімде уәкілетті органға жазбаша өтініш беруді ұмытпаңыз. Заң талаптарын сақтау – құқықтарыңызды қорғаудың маңызды кепілі.
