ОБЛЫС ӘКІМІ ДИПЛОМАТИЯЛЫҚ МИССИЯ БАСШЫЛАРЫМЕН КЕЗДЕСТІ
![](http://www.syrboyi.kz/uploads/posts/2018-06/medium/1528429548_1.jpg)
Бүгін Қызылорда облысының әкімі Қырымбек Көшербаев Қазақстан Республикасындағы Ресей Федерациясының Төтенше және Өкілетті Елшісі Алексей Бородавкинмен кездесіп, жаңа қызметімен құттықтады әрі облыстың инвестициялық әлеуетін таныстырды.
«Өңірлік сауда-экономикалық әріптестікті дамыту жұмысымыздың басым бағыты болып табылады. Ортақ жұмыстың арқасында 2018 жылдың 1 тоқсанында Қызылорда облысы мен Ресей Федерациясының өзара сауда жасау көлемі 14 437,6 мың АҚШ долларды құрап, 2017 ж. осы кезеңмен салыстырғанда 16,7 пайызға артты», - деп атап өтті облыс әкімі.
Сондай-ақ, өңір басшысы Қазақстандағы Германияның Бас консулы Йорн Розенбергпен кездесті. Қызылорда облысына жұмыс сапары аясында Йорн Розенберг аймақтың әлеуметтік және өндірістік нысандарды аралап, «Байқоңыр» ғарыш айлағынан ракета ұшырылымын тамашалады.
![](http://www.syrboyi.kz/uploads/posts/2018-06/medium/1528429504_1.jpg)
Кездесу барысында Қазақстанда өкілдіктері бар неміс компанияларының Қызылорда облысындағы түрлі жобаларға қатысу мүмкіндіктері талқыланды.
Өз кезегінде, дипломатиялық миссия өкілдері аймақпен әріптестік орнатуға қызығушылық танытты.