ӨНДІРІС ҰЖЫМЫ ЕЛ БОЛАШАҒЫ ҮШІН ДАУЫС БЕРДІ
Шиелі кентіндегі №293 референдум учаскесінде «Компания Гежуба Шиели Цемент» ЖШС-нің ұжымы республикалық референдумға қатысып, өз таңдауларын жасады.Елдің болашағына бей-жай қарамайтын кәсіпорын қызметкерлері азаматтық белсенділік танытып, маңызды саяси науқанға бір кісідей атсалысты. Референдумға қатысу – әр азаматтың конституциялық құқығы әрі ел дамуына қосқан үлесі екенін атап өткен қызметкерлер бірлік пен жауапкершілік танытты.
Ұжым мүшелері елдің ертеңі мен тұрақты дамуы әр азаматтың белсенділігіне байланысты екенін айтып, осындай маңызды саяси науқандарда халықтың ауызбіршілігі мен жауапкершілігі айқын көрінетінін жеткізді.
