Италияның Milan қаласында еңбек етіп жүрген бір топ қандастарымыз Қазақстанда өтіп жатқан республикалық референдумға қатысып, өз таңдауларын жасауда. Шетелде жүрген азаматтар да ел тағдырына бейжай қарамай, азаматтық белсенділік танытып, дауыс беру арқылы өз пікірлерін білдіруде.

Айта кетейік, Қазақстанда жаңа Конституция жобасы бойынша республикалық референдум 2026 жылғы 15 наурызда өтуде. Оған елімізбен қатар шетелде жүрген Қазақстан азаматтары да қатысу мүмкіндігіне ие. Осы мақсатта Қазақстанның шетелдегі дипломатиялық өкілдіктері жанынан көптеген дауыс беру учаскелері ұйымдастырылған.

Шетелде жүрген отандастарымыздың белсенділігі – елге деген жанашырлықтың және ортақ болашаққа деген сенімнің айқын көрінісі.