Наурызнама: Қызылордада қоғамдық көліктер бүгін тегін қатынауда
Бүгін Наурызнама онкүндігі аясында Қызылорда қаласында Қайырымдылық күніне арналған бірқатар шаралар ұйымдастырылуда. Мерекелік іс-шаралар аясында тұрғындарға қолдау көрсету мақсатында түрлі қайырымдылық акциялары өткізілуде.Сонымен қатар, қаладағы екі аумақта тұрғындарға арналған азық-түлік өнімдерінің жәрмеңкесі ұйымдастырылып, әлеуметтік маңызы бар тауарлар қолжетімді бағамен ұсынылуда.
Осыған орай, бүгін таңертеңнен бастап Қызылорда қаласындағы қоғамдық көліктер жолаушыларға тегін қызмет көрсетуде. Бұл бастама тұрғындардың мерекелік шараларға еркін қатысуына және қала ішінде қатынауын жеңілдетуге бағытталған.
